ಬೆಂಗಳೂರು: ಫ್ಲಿಕ್ಸ್‌ಬಸ್ ಇಂಡಿಯಾ, ಕೈಗೆಟುಕುವ ಮತ್ತು ಸುಸ್ಥಿರ ಪ್ರಯಾಣದ ಜಾಗತಿಕ ಟ್ರಾವೆಲ್-ಟೆಕ್ ನಾಯಕ ಮತ್ತು ಎಸ್.ಎಂ. ಕಣ್ಣಪ್ಪ (SMK) ಆಟೋಮೊಬೈಲ್ಸ್ ಪ್ರೈವೇಟ್ ಲಿಮಿಟೆಡ್, ಬಸ್ ಬಾಡಿ ತಯಾರಿಕೆಯ ಮುಂಚೂಣಿ ಸಂಸ್ಥೆ ,ಇತ್ತೀಚೆಗೆ ಬೆಂಗಳೂರಿನ ದಿ ರಿಟ್ಜ್ ಕಾರ್ಲ್‌ಟನ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತಿಳಿವಳಿಕೆ ಒಪ್ಪಂದ ಪತ್ರಕ್ಕೆ (MOU) ಸಹಿ ಹಾಕಿದೆ.
ಈ ಕಾರ್ಯತಂತ್ರದ ಪಾಲುದಾರಿಕೆಯು ಪ್ರಯಾಣಿಕ ಸಾರಿಗೆಗಾಗಿ ಎಸ್‌ಎಂಕೆಯ ಅತ್ಯಾಧುನಿಕ ಬಸ್ ಬಾಡಿ ಉತ್ಪಾದನಾ ಸಾಮರ್ಥ್ಯಗಳನ್ನು ಫ್ಲಿಕ್ಸ್‌ಬಸ್‌ನ ತಂತ್ರಜ್ಞಾನ-ಚಾಲಿತ ವೇದಿಕೆಯೊಂದಿಗೆ ಸಂಯೋಜಿಸುವ ಮೂಲಕ ಪ್ರಯಾಣದ ಅನುಭವವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಈ ಸಹಯೋಗವು ಮುಂದಿನ ವರ್ಷದಲ್ಲಿ, ಭಾರತದಾದ್ಯಂತ ಫ್ಲಿಕ್ಸ್‌ಬಸ್ ಇಂಡಿಯಾದ ಕಾರ್ಯಾಚರಣೆ ಪಾಲುದಾರರ ಅಗತ್ಯತೆಗಳನ್ನು ಪೂರೈಸಲು ಸಂಪೂರ್ಣವಾಗಿ ಕಸ್ಟಮೈಸ್ ಮಾಡಿದ ಫ್ಲಿಕ್ಸ್‌ಬಸ್ ಉತ್ಪನ್ನವನ್ನು ಅಭಿವೃದ್ಧಿಪಡಿಸಲು ಗಮನಹರಿಸುತ್ತದೆ.
ಈ ಒಪ್ಪಂದದ ಕುರಿತು ಪ್ರತಿಕ್ರಿಯಿಸಿರುವ ಫ್ಲಿಕ್ಸ್‌ಬಸ್ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಶ್ರೀ ಸೂರ್ಯ ಖುರಾನಾ ಅವರು ಹೇಳಿದರು, ‘ಎಸ್.ಎಂ.ಕಣ್ಣಪ್ಪ ಆಟೋಮೊಬೈಲ್ಸ್ ಜೊತೆಗಿನ ಸಹಭಾಗಿತ್ವದ ನಮ್ಮ ಯೋಜನೆಯು ಅತ್ಯಾಧುನಿಕ ವಾಹನಗಳೊಂದಿಗೆ ನಮ್ಮ ಕಾರ್ಯಾಚರಣೆ ಪಾಲುದಾರರನ್ನು ಸಬಲೀಕರಣಗೊಳಿಸುವ ಮೂಲಕ ಪ್ರಯಾಣಿಕರಿಗೆ ಅತ್ಯುತ್ತಮ ಪ್ರಯಾಣದ ಅನುಭವವನ್ನು ನೀಡುವ ನಮ್ಮ ಬದ್ಧತೆಯನ್ನು ಒತ್ತಿಹೇಳುತ್ತದೆ. ಇದು ತಾಂತ್ರಿಕ ಪ್ರಗತಿಯನ್ನು ಹೆಚ್ಚಿಸುವುದಲ್ಲದೆ, ಭಾರತದಲ್ಲಿ ದೂರದ ಪ್ರಯಾಣದ ರೂಪಾಂತರಕ್ಕೆ ಸಮರ್ಥವಾಗಿ ಕೊಡುಗೆ ನೀಡಲು ಸಾಧ್ಯವಾಗುತ್ತದೆ’.
ಎಸ್.ಎಂ.ಕಣ್ಣಪ್ಪ ಆಟೋಮೊಬೈಲ್ಸ್ ಪ್ರೈವೇಟ್ ಲಿಮಿಟೆಟ್‌ನ ನಿರ್ದೇಶಕ ಶ್ರೀ ವೈಭವ್ ನಾರಂಗ್ ಅವರು ಹೇಳಿದರು, ‘ಇದು ಭಾರತೀಯ ಬಾಡಿ ಬಿಲ್ಡರ್‌ಗಳು ಮಾಡಿದ ಪ್ರಗತಿಯನ್ನು ತೋರಿಸಲು ಎಸ್‌ಎಂಕೆಗೆ ಉತ್ತಮ ಅವಕಾಶವನ್ನು ನೀಡುತ್ತದೆ. ನಿಜವಾದ ಜಾಗತಿಕ ಉತ್ಪನ್ನವನ್ನು ಒದಗಿಸಲು ಎಸ್‌ಎಂಕೆಯ ಸಾಮರ್ಥ್ಯಗಳಲ್ಲಿ ತಮ್ಮ ನಂಬಿಕೆಯನ್ನು ಹೇರಿದ್ದಕ್ಕಾಗಿ ನಾವು ಫ್ಲಿಕ್ಸ್‌ಬಸ್ ಇಂಡಿಯಾಕ್ಕೆ ಧನ್ಯವಾದಗಳನ್ನು ಅರ್ಪಿಸುತ್ತೇವೆ’.